سالگرہ

پرانی فلموں ڈراموں میں سالگرہ منانے گانے اور پارٹی کا اتنے سین دیکھے تھے کہ کبھی کبھار دل چاہتا والدین ہماری بھی سالگرہ منائیں ماشا اللہ چھ بہن بھائیوں میں اوسط ہر دوماہ بعد ایک سالگرہ ہی چلتی والدین اپنی سالگرہیں اور شادی کی سالگرہ بھی شامل کر لیتے تو سال میں عیدین شب برات کونڈوں رجب محرم میلاد النبی کے علاوہ نو مہینے مزید فنکشن ہوتے سو اکثر لوگ یہ بچوں کی سالگرہ کا ٹنٹا نہ پالتے تھے بجائے اس کے عقیقہ اور سنت طہر منایا جاتا قرآن مکمل کرنے پر ‘آمین ‘ ہوگئی یا قرآن کی پڑھائی شروع کرنے پر ‘بسم اللہ’ منالی زیادہ سے زیادہ نئے شادی شدہ جوڑے پہلے بچے کی پہلی سالگرہ منالیتے اس کے بعد باقی زندگی تسلی کے ساتھ گزر جاتی
کالج یونیورسٹی پنہچے تو زوڈائیک سائنز پامسٹری اسٹارز فلاں فلاں کا دور دورہ دیکھا تعارف سمے نام پوچھنے کے بعد دوسرا سوال ‘سٹار’ کا ہوتا سب کے سٹار ان کی شخصیات پہ حاوی تھے لامحالہ ڈیٹ آف برتھ بھی بار بار دہرائی جانے لگیں اور دوستوں کی طرف سے ایک دوسرے کے ساتھ برتھ ڈے وشز کا تبادلہ ہونے لگا جو سالگرہ ماں باپ نے ساری زندگی نہ منائی تھی وہ فرینڈز اور ہم خود منانے لگے دیکھتے ہی دیکھتے برتھ ڈیز منانے کی ایک پختہ روایت بن گئی پہلی سالگرہ کالج میں منائی ہوگی اس کے بعد آج تک سال کے سال 22 ستمبر کو ہلکی پھلکی منائی جاتی ہے اگرچہ سرکاری سالگرہ یکم جنوری ہے ۔۔۔۔ بھئی ملکہ برطانیہ کی بھی تو دو سالگرہیں تھیں ایک اصل ایک سرکاری ۔۔۔ہاہا ہا دونوں دن میرے اپنے ہیں تحفے تحائف نیک خواہشات برتھ ڈے وشز سب کے لئے دونوں دن چشم بہ راہ رہتی ہوں چند فرینڈز ،فیملی ،کزنز بچوں کو بھی یاد رہتا ہے مگر بچوں کی نیت یہ رہتی ہے پارٹی بھی دوں اور ساتھ اظہار مسرت کے طور پر خرچیاں بھی ۔۔۔۔ہاہاہا
اکثر بچوں کی بھی مناتی آئی ہوں لیکن اس سال سب کو خرچیوں پہ ٹرخا رہی ہوں ہاں بیچ بیچ میں ایسا ہوا کہ کسی کی باہر جاکر منائی ۔۔۔۔ مگر محبت اور منہگائی فلم نے بہت سے شوق ترک کروادئیے ہیں

عذرا مغل

ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپی رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دیں