حسین عورت

ادھر سو سالوں سے
اک خوش فہمی پل رہی ہے
میں دنیا کی سب سے حسین عورت ہوں
یہ لمحہ یہ وقت میرا خراج ہے
سورج مجھے سلامی دے کے طلوع ہوتا ہے
اور رات بھی میرا رخسار چوم کے شب بخیر کہتی ہے
اور پھر آسمان بسیط پہ ستاروں سے جڑ کر
تمام رات مجھے دیکھ کر جھومتی رہتی ہے
اور میری نیند میں خواب بننے کی عادت تو
میرے بچپن کی سہیلی بن گئ ہے
ایسے خواب
جو صبح کھلکھلا کر میرے سامنے آجاتے ہیں
کہ رات خواب میں بتایا تو تھا
راستے میں کیا تھا
سوتی یو تو وقت بھی تھم کے دیکھتا ہے
جاگنے کی سرخوشی کا الگ معاملہ ہے
یہ بھید وقت ہی جانتا ہے پگلی ۔۔
کہ تیری نیند اور جاگ اس کے لئے کیا ہے ؟
رب بھی مسکراتا ہے !
غلط فہمی ہے تو مٹاو اسے
خوشفہمی ہے تو سمجھا و مجھے
یارو !
کچھ تو کرو کہ
میں ایبنارمل سے نارمل ہوجاوں
اور خود کو
ایک عام سی عورت سمجھنے لگوں
مگر ایسا نہیں ہے تو میں کیا کر سکتی ہوں !
چاہے ساری عورتیں جل جل کے کباب ہو جائیں
ہاہاہا۔۔۔۔
مرے آئینے کے مقابل آنا مشکل ہے
آو سکھی !
ہنس دیتے ہیں اس بات پہ
اس پاگل پن کے جذبات پہ
جس پہ ہم سب کا اپنے اپنے بارے میں
ایمان کی طرح یقین ہے
ہاہاہا۔۔۔۔
آو ہنستے ہیں بس ہنستے ہیں
دنیا کو حیران کر نے کے لئے
سب کچھ دیکھ رہا ہے حیرانی سے
مجھ پہ ہنسی ہے کیا ؟
ہاں۔۔۔
سب ہنس رہا ہے ساتھ مرے
دنیا کو مجھ سے مل کے
پاگل پن کا دورہ پڑگیا ۔۔۔۔
اس سارے پاگل پن کو سنبھالنے کا ٹھیکہ بھی
مجھ کو مل گیا ہے
اور میں نے اس دنیا کو پاگل خانے کا درجہ دے کر
ہر ایک کو اس کا خانہ الاٹ کر دیا ہے
میں کس خانے میں ہوں
خراب خانے میں ہوں کبھی
گل دانے میں ہوں کبھی
شاہ دانے میں ہوں کہیں
فقیر خانے میں ہوں کہیں
کباڑ خانے میں ہو ں کہیں
میری اوڑھنی بچپن کی ہے
اور دوشیزگی انگ انگ کی گھائل اپنی ہی سرشاری سے
سر پہ رکھوں اوڑھنی یا سینے پہ
یا اڑادوں اسے ہوا میں
اور خود دوڑ کے اس سے کھیلوں مجھے کیا ؟؟
کون تکتا ہے مجھ کو ؟
میں کھیل رہی ہوں
دنیا سے ۔۔۔
خود میں مگن ہوں ۔۔۔
ہاہاہا۔۔۔
ہاں اب مگر کچھ تھک سی گئی ہوں
کب تک آخر کوئی کھیلے گا ؟
آخر تو اپنی بکل لے کے
واپسی کی راہ ہو لے گا ۔۔۔
واپس چل پڑی ہوں۔۔
تھکی ہوئی ہوں
نہیں ۔۔۔
پژ مردہ ہوں
ہاں کچھ کچھ ۔۔۔
کیا سوچا ہے ؟
سوچنا کیا ہے !؟
مری سوچ سے کچھ بدلے گا کیا۔۔
پھر ہنس دیتی ہوں !!
چل رہی ہوں
چل رہی ہوں
قرنوں سے
تھکی تھکی بھی کھلی کھلی بھی

عذرا مغل

ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپی رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دی