یادش بخیر 8

ویسے بوڑھے لوگ بھی بہت بھولے ہوتے ہیں اور ابو جی تو اللہ بخشے اپنی مثال آپ تھے
میری شادی خانہ آبادی کو صرف دو ماہ ہوئے تھے حسب معمول گرمیوں کی چھٹیوں میں لاہور آئی اور آتے ہی تین ماہ کے بھتیجے عبد الرحمن کو گود میں اٹھا لیا… اور امی سے مل کر سیدھی ابو جی کی کمرے میں چلی گئی ان سے ملنے… مجھ سے ملنے سے پہلے ابو جی گود مین بچہ دیکھ کر خوشی سے ایکسائیٹڈ ہوگئے ان کا چہرہ خوشی سے چمک اٹھا اور وہ اسے پیار کر نے لگے… مین سمجھ گیی انہیں کیا مغالطہ ہوا ہے اوراتنا بھی اندازہ نہیں کہ صرف دو ماہ میں تین ماہ کا بچہ… قابل مذمت تو ہو سکتا ہے قابل محبت نہیں… مجھے انہین بتانا پڑا “ابوجی اسلم کا بیٹا ہے”
“اچھا اچھا…. ” پھر وہ کچھ سمجھ نہ سمجھ کر میری طرف متوجہ ہوئے اور میرے سر پہ ہاتھ پھیرا…
ہائے میرے بھولے ابوجی اللہ جنت الفردوس میں جگہ دے آمین ثم آمین

رات کا خواب
نہ جانے کون کون ہمارا سارا گروپ سماجی کاموں اور ایک اہم اور بیمار شخصیت کی جانفشانی سے دیکھ بھال اور علاج معالجے میں مصروف ہیں ۔۔۔ سارے پیپرز ہوگئے ہیں ہم سٹوڈنٹس ہیں آخری پیپر ہے جو بےحد مصروفیت کے باعث مجھے اچھی طرح یاد نہیں تھوڑا بہت یاد ہے باقی ٹائیم نہیں ملا اور پیپر شروع ہوگیا ایک سفید گلابی روشن بھاری بھرکم چہرے والادوست نما بوڑھا پیپر لے رہا ہے میں اس سے بار بار آنسر شیٹ اور کوئسچن پیپر مانگ رہی ہوں مگر وہ میری دونوں چیزیں اپنے ہاتھوں میں سنبھالے بیٹھا ہے میں تیاری نہ ہونے کی وجوہات بیان کر کے کہ اس بیمار کی دیکھ بھال میں لگے رہے (جو بچا بھی نہیں تھا) چلو جتنی بھی تیاری ہے کچھ نہ کچھ کرلوں گی 50%یا پاسنگ مارکس تو آجائیں گے پوزیشن نہ سہی ۔۔۔ وہ میری تیاری نہ ہونے کا عذر مان رہا ہے اور بجائے پیپر حل کرنے کے لئے دینے کے عندیہ دے رہا ہے پاس ہوجاوگی ۔۔۔ سب کولیگز سٹوڈنٹس دھڑا دھڑ اپنا پیپر حل کر رہے مجھے وہ بوڑھا شخص دے ہی نہیں رہا کہ مارکنگ اسی کے ہاتھ میں ہے پاس کردے گا۔۔۔میں فرمائشی 74 مارکس لکھ کر اس کے آگے خاموشی سے پیش کرتی ہوں( کہ اتنے نمبر دینا) مجھے لگتا ہے یہ خاصی بڑی فرمائش ہے جو میں ان سالوڈ پیپر کے لئے کر رہی ہوں وہ زیادہ سے زیادہ پاسنگ تا پچاس تک ہی دے گا وہ میری آنسر شیٹ جو اس کے ہاتھ میں ہے اس پر کمال مہربانی سے 75 مارکس لکھ دیتا ہے میں خوش اور مطمئن ہوجاتی ہوں اگر میں پڑھ کر لکھتی تو اس سے زیادہ لے سکتی تھی مگر سوچتی ہوں میں نے کچھ لکھا ہی نہیں یہ 75 مارکس فیورٹزم ہے تو اب یہاں بھی اس طرح کے کام ہونے لگے ہیں کہ خالی شیٹ پہ مارکس بھر دئیے ۔۔۔۔ بہرحال میں پاس ہوگئی اور اچھے نمبروں سے بوڑھے ایکزیمینر کی شفقت اور مہربانی سے اور میری آنکھ کھل گئی

آج جو میں روٹی بنانے لگی ہوں یہ آپ نے پہلے کبھی نہیں کھائی ہوگی
اس میں سارے آٹے مکس ہیں نمک ڈال کے آٹا گوندھ لیں۔۔۔ (وڈیو اینڈ تک دیکھنی ہے کہ اینڈ میں ٹوئسٹ آنے والا ہے)
20 منٹ لگا کے آٹا گوندھا توا گرم کیا پراٹھے کا پیڑا بنایا (بار بار تاکید کی اینڈ میں ٹوئسٹ آنا ہے ضرور دیکھنا آپ پوری وڈیو )
تنگ آکر میں وڈیو کو اینڈ پر کھینچ لائی ۔۔۔ کوئی ٹوئسٹ نہیں تھا سوائے اس کے کہ روٹی پک گئی تھی

سب کے لئے دعائے خیر
اللہ تعالی اپنا کرم فرمائے ہم پر
اپنے لطف و کرم مہر محبت اور شفقت سے محروم نہ کرے کسی کو بھی اپنے پیارے حبیب حضرت محمد مصطفی صلی اللہ علیہ وآلہ وسلم کی محبت کے طفیل ۔۔۔ کل دا بھلا کل دی خیر یا رب العالمین یا ارحم الراحمین
میرے مولا میری خیر میرے پیاریاں دی خیر کل جگ تے تیرے پیاریاں دی خیر آمین ثم آمین
صبح بخیر سلامتی عافیت خوش بختی اور خوش رہنے کی دعاوں کے ساتھ ۔۔آمین
یا اللہ ہمارے پیاروں کی مغفرت فرما جو اس جہاں سے پردہ فرما کر تیری بارگاہ میں حاضر ہوگئے ہیں ان پہ نظر کرم رکھنا درجات بلند کر دینا ان کی کوتاہیوں لغزشوں کو معاف کر دینا اور ان کی مغفرت فرما دینا کہ تیری بارگاہ بڑی بے نیاز ہے تو نوازنے پر آئے تو اپنی رحمت کے سب دروازے کھول دیتا ہے اور اپنے بندوں کو اجازت دے دیتا ہے کہ وہ جس دروازے سے چاہیں تیرے گوشہء رحمت میں داخل ہوجائیں میرے ماں باپ اور میرے پیاروں پر بھی اپنے کرم کا معاملہ فرما دے کل مومن مسلمانوں کی ارواح کو بخش دے کہ یہ تیری لئے معمولی بات ہے مگر ان سب کے اور ہمارے لئے تیری رحمت اور کرم کے سوا کوئی آسرا نہیں
یا رب العالمین زندہ و مردہ مسلمانوں اور مومنین متقین سب پہ ان کے اپنے اپنے حساب کا کرم فرما ۔۔۔ پردہ فرما جانے والی روحوں کی بخشش و مغفرت فرما اور جنت کی ابدی نعمتوں سے انہیں سر فراز فرما اور جو زندہ ہیں انہیں نیک اعمال کی توفیق و ہدایت دے اور اپنی دینی و دنیا جملہ رحمتوں سے انہیں اس قدر نواز دے کہ اطمینان قلبی حاصل ہوجائے سب کی صحت تندرستی زندگی سلامتی رزق روزی اور خوشیوں میں برکت عطا فرما جو جس مسئلے میں الجھا یا پریشان ہے اس کی پریشانی اس سے دور فرما اور اپنی رحمت اور بخشش کے دروازے سب کے لئے کھول دے آمین ثم آمین
یا اللہ خیر ۔۔ یا اللہ خیر
سبحان اللہ والحمد للہ واللہ اکبر
یا اللہ یا الہ العالمین مجھے اپنی بارگاہ میں مقبول و محبوب رکھنا ہمیشہ آمین
شکر الحمد للہ یرحمک اللہ
صلو علی الحبیب

یاد آیا اسٹیتھیسکوپ تھرمامیٹر
اسپیچولا مکسچر انجکشن
کہاں ہوتا ہے ہمارے بچپن کا پنڈت برہمن کوئیک ڈاکٹر ارجن
جو سب کو ایک ہی دوائی ایک ہی خوراک اور ایک ہی انجکشن دیتا تھا
اور بھگوان کی کرپا سے سب ٹھیک ہوجاتے تھے
وہ اعلی النسل برہمن پنڈت تھا سب ہندوؤں کی شادیوں میں پھیرے دلوانا اسی پہ ابھاری تھا مگر جب اپنے بچوں کی شادی بیاہ کی سمسیا جاگی تو شہر بھر میں کوئی اس کی جات برادری اور پائے کا باہمن نہ تھا اس نے کہا میں انڈیا جا رہا ہوں سب انڈیا سے مائیگریٹڈ پٹودین کو بہت دکھ ہوا
بھائی ارجن کیوں جار ہے ہو ؟
جب پہلے نہیں گئے تو
آپا ۔۔۔ اب بچوں کے شادی بیاہ کا مسئلہ ہے
ہندوؤں سے بھرا پڑا ہے محلہ ۔۔۔
نہیں آپا یہ میری جات برادری کے نہیں
میں برہمن پنڈت ہوں جو ان میں کوئی نہیں
چلا گیا ۔۔۔
سالوں بعد اس کا بیٹا نظر آیا گلی میں اپنے گھر کے سامنے ۔۔۔سب اس کے آلے دوالے ہوگئے
پتہ چلا کراچی میں رہتے ہیں وہاں اپنی ہم پلہ برہمن فیملیز مل گئی تھیں سو وہیں رشتے ناطے کر لئے ۔۔ ڈاکٹر ارجن بھی بوڑھے ضعیف ہوگئے اب تک تو سورگباشی بھی ہوچکے ہوں گے ۔۔۔ راکھ جانے سندھو میں بہائی کہ گنگا جل میں پھول کھلے
ڈاکٹر ارجن (صاحب) بہت اچھے ڈاکٹر تھے نزلے زکام بخار کھانسی سب کا ایک ہی علاج گلابی مکسچر کی تین نشان زدہ پٹی لگی خوراک اور تین ہی پاوڈر کی پڑیاں چائے کے ساتھ ۔۔۔ انجکشن صرف ان عورتوں کو لگتا تھا جو دائی سجیسٹ کرتی تھی کہ درد زہ بہت بڑھ گیا ہے ارجن کو بلا لاو سوئی لگا دے اور سوئی لگتے ہی درد زہ ۔۔۔ زچہ و بچہ میں تبدیل ہوجاتا تھا ۔۔ہاہاہا
بڑا قابل ڈاکٹر تھا ہمارے دڑی محلے کا اس میں کوئی شک نہیں ڈاکٹر ارجن ۔۔۔اپنے بھگوان کی امان میں ہو جہاں بھی ہو کہ نیک شخص نیک روح نیک دل ڈاکٹر تھا اوپر سے پنڈت برہمن بھی ۔۔۔ جونہی مریضوں سے فرصت ملتی اندر والے کمرے میں رنگین دیوی دیوتاؤں کی خوبصورت تصویروں کے آگے ہاتھ باندھ کر کھڑا ہوجاتا ۔۔۔ کلینک ٹائیم سے پہلے اگر کوئی اتاولا مریض پہنچ جاتا تو اپنے دیدہ زیب تصویری مندر سے ہی بر آمد ہوتا ۔۔۔ بیوی بچے اوپری منزل پر رہتے اورجونہی کوئی بچہ سیڑھیوں پہ قدم رکھتا بیوی اوپر سے چیخ کر ڈپٹتی بچہ ڈر کے نیچے بھاگ آتا اب سمجھ آئی ہے (چھوت چھات کا مسئلہ ہوگا)
ایک دن میں مندر کے دروازے پہ جا کھڑی ہوئی امی مجھے بخار زدہ کو لے کر وقت سے کچھ پہلے پہنچ گئی تھیں ۔۔۔ میں مندر میں بلانے پہنچ گئی ڈاکٹر ارجن کو وہ باری باری سب تصویروں کے سامنے ہاتھ باندھ کر کھڑا ہوجاتا ۔۔۔کنول کے پھول آٹھ دس ہاتھ لہرا کر ڈانس کرتی تصویر مجھے بھی بہت اچھی لگ رہی تھی مین بھی محو تھی آرائش و زیبائش میں ۔۔۔ کہ اچانک ڈاکٹر ارجن کو مندر کی دہلیز پر میری موجودگی کا احساس ہوا ۔۔۔ اتنے اچھے با اخلاق ہمدرد ڈاکٹر ارجن نے مجھے ڈپٹ دیا
“بھاگو یہاں سے “
اچھا کالی ماتا کے سپوت،
بھاگ کر باہر آگئی ۔۔۔ہاہاہا
ہمارا دڑی محلہ بنیادی طور پر ہندوؤں کا محلہ تھا جس میں اب بھی ہماری پچھلی گلی میں سارے ہندوؤں کے ہی گھر تھے ہمارے اپنی میتلائی گلی میں دو ہندوؤں کے گھر بڑھ کر پہلے چار ہوئے اب تو سات آٹھ ہیں کہ اس گلی میں جو بھی گھر بکا ہندوؤں کی کوشش ہوتی وہ خرید لیں نجمہ( اماں مینا )کا گھر ، نسیم کا گھر ، پھر ڈاکٹر نندلال ، ماما گورمکھ اور آس پاس دوتین مزید نئی فیملیز آکے بس گئیں ہمارے ہی گھر کے۔۔۔ اب ہم تو اگئے وہاں سے جانے اب کون کس کا پڑوسی ہے ہم تو دو ہی گھروں کو جانتے ہیں وہاں ایک ادا دھنی اور ادا غنی کا دوسرا چچی کا ۔۔۔
اللہ اللہ خیر صلا
جب بھی لاڑکانہ گئے انہی کے مہمان بنیں گے
ڈاکٹر ارجن وہاں سے کوچ کرگئے تو ہجرت ہم نے بھی لاہور کی طرف کو کرلی ۔۔۔ ہجرت ویسے ہمیشہ ہجر ہی دے کر جاتی یے

آج رات بھی بہت طویل تھی ۔۔۔یا مجھے لگی جو کبھی کبھار کوئی رات لگتی ہے
ہر آدھے پون گھنٹے بعد پوری رات جیسے سوکر میری آنکھ کھلتی رہی موبائل سرہانے رکھا ہوتا ہے ساری رات ٹائیم دیکھتی رہتی ہوں فجر کے لئے ۔۔۔ ہر آدھے گھنٹے بعد آنکھ کھلی لگا نیند پوری ہوگئ ہے ٹائیم دیکھا تو گیارہ پینتیس ۔۔۔پھر ساری رات یہ سلسلہ چلا۔۔۔ وقت جیسے رکا ہوا تھا اور سوجاوں تو رک تو جاتا ہی ہے میرے خیال میں ۔۔۔ سونا کیا آنکھیں کھولنے بند کرنے سے وقت کا سارا نظام میرے کنٹرول میں آجاتا ہے ۔۔۔ہاہاہا
اللہ میری توبہ۔۔توبہ توبہ استغفار مذاق کو سیریس نہ لینا ہے تو ہی مالک ہے توہی ہے مختار بس تیری ہی رحمت اور محبت ہے کہ سوجاوں تو وقت ٹھہرا دیتا ہے کہ آرام سے سو جا ۔۔۔۔ شکریہ اللہ میاں
یہ تجربات تو میرے روزمرہ معمولات کا حصہ ہیں اللہ کا شکر ہے
ہاں ایک رات کا یاد ہے وہ بھی بے انتہا طویل تھی جیسے مہینہ بھر کی یا اس سے بھی زیادہ ۔۔۔ ( پھر واقعہ معراج یاد آگیا سبحان اللہ ) اور کیا کیا کچھ یاد آگیا اصل بات سے ہٹ کے ۔۔۔لکھوں لکھ دوں ۔۔۔یا رہنے دوں
انسان ہے خطا کا پتلا ہے یقینی بے یقینی اس کی ذات کا حصہ ہے شب معراج کے بارے میں ، میں کچھ غیر سنجیدہ سی سوچ رکھتی تھی شائید (نعوذ باللہ ) اچھا ایک بات بتادوں اس وقت میرا ایمان جس مرحلے میں ہے وہ اس وجہ سے نہیں کہ ایک مسلمان ماں باپ کے ہاں پیدا ہوئی نماز روزہ قرآن انہوں نے پڑھا دیا اور دینی تعلیمات دے دیں اور میں مسلمانوں کی اولاد مسلمان بن گئی یقین مانیں میں تشکیک کے گناہ سے بے شمار گزری ہوں اور بچپن سے گزری ہوں سوالات در سوالات ذہن میں آتے تھے ذکر کسی سے نہ کرتی تھی کہ ماں سے تو مار ہی کھا لوں گی ۔۔۔ مگر جب جواب ملنا شروع ہوئے تو تسلی ہوتی چلی گئی اور یہ میرے رب کی مہربانی ہے کہ میں اب بائی برتھ مسلمان نہیں ہوں بائی مائی بیسٹ چوائس مسلمان ہوں میں نے ماں باپ کی وجہ سے نہیں بالآخر اپنے ایمان سے کلمہ پڑھا ہے جستجو سوال جواب اور اطمینان کے بعد ،شکر الحمد للہ
لا الہ الا اللہ محمد الرسول اللہ
شکر الحمد للہ اور یہ اللہ کا کرم ہے جس پہ وہ کردے اس کی شان اور محبت ہے
بہرحال اسلام آباد میں تھی
واقعہ معراج کے بارے میں کچھ کچھ( نعوذ باللہ) سی ۔۔۔
ایک رات خواب دیکھا میں اپنے کمرے میں اسی جگہ سور رہی ہوں جس جگہ سوئی تھی مطلب حقیقی جگہ پر ہی۔۔۔۔کسی نے مجھے ہلا کر جگایا اس فرشتے کا نام آپ سب جانتے ہیں آسماں اور کائنات جیسے سجی ہوئی ہے اس طرح کہ اس طرح کا لمحہ تکوین کائنات میں شاذ ہی وجود پاتا ہے اس روح کو لبھاتی سجاوٹ اور نور کا لفظوں میں احاطہ ناممکن ہے اور رب منتظر ہے ۔۔۔
“چلو (بے انتہا ایکسائیٹمنٹ سے کہا گیا) ۔۔۔ بلایا ہے”
وہ بہت خوش ہے سب خوش ہیں
میں بستر سے اٹھتی ہوں
میری آنکھ کھل گئی کہ ظاہر ہے امتی امتی کہاں تک جاسکتا ہے تکوین کائنات جتنی بھی سج گئی ہو مگر ان کا رتبہ ان کی معراج ان کی محبت کون پا سکا رب سے ۔۔۔ عجیب خواب تھا مجھ پہ سرور طاری ہوگیا اس سرخوشی کا جو میں نے اس کائناتی سجاوٹ اور اس لمحہ میں محسوس کی تھی ۔۔۔ صبح ڈیپارٹمنٹ جارہی تھی بہت جلدی اٹھ کر شائید ریسرچ کے لئے جانا ہوتا تھا سات بجے آنکھوں میں ابھی بے خوابی کی جلن سی تھی۔۔۔ راستے میں کونے پر چائے کا کیفے کھل چکا تھا قوالی دھمال ڈالنے کی حد تک اونچی آواز میں لگی ہوئی تھی
کوئی حد ہے ان کے عروج کی
بلغ العلی بکمالہ صلو علیہ وآلہ
سر لامکاں سے طلب ہوئی
سوئے منتہی وہ چلے نبی ۔
شب معراج کی حقیقت سمجھ میں آگئی اور پھر آپ صلی اللہ علیہ کا مرتبہ بھی سارے سوالوں کو جواب مل گئے جیسے ۔۔۔ وہ جواب جو میرے ماں باپ کے پاس نہیں تھے مگر مجھے بتائے گئے تھے کہ زبان سے کلمہ پڑھا ہوا ہے پیدائشی طور پر ۔۔۔
دل سے گواہی دو اب
شکر الحمد للہ ۔۔۔
ہاں تو میں بات کر رہی تھی ایک طویل رات کی ۔۔۔ اگلی پوسٹ میں کروں گی کسی وقت اب یہیں بات ختم کرتے ہیں
اللہ ہم سب کی اپنی جانب سے رہنمائی اور ہدایت فرمائے اور جن کے پاس یہ خزانہ ہے رب العالمین اس کی حفاظت فرمائے آمین ثم آمین

عذرا مغل

ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپی رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دی