بدلاں دی گڑگڑ انج

ھسڑ حبس دے گرم موسم دا عذاب
ھور بدلاں دی گڑگڑ انج
جیویں رب راکھا آہندے۔۔۔
آگے کدرے ترے جا ندے ہون
لہور شریکا اے
تے جیویں
اگے شیخو پورہ
چوہڑکانہ
انہاں دا نانکا پنڈ اے ۔۔
جتھے جاکے پسارنا اے
تے چھم چھم وسنا اے
کجھ ایتھے وی چھٹا ،
ماڑا موہٹا چھٹکا جاو ۔۔۔
فیر آگے بھانویں ودھی تے وسی جانا رج رج کے
نس گئے
مجال اے
اک بدل نے وی میری من لئی ہووے ۔۔۔۔
ہاہ ۔۔۔ہائے
ٹھہر ویکھاں تے سھی
کیدی شکل بنا کے ترے جاندے نے
وسے نئیں تے کی ہویا
تیرا جہیا مکھ بنا کے
تے تریھائی دھرتی نوں
ھور تریھ دا وصف نبھا کے
میرے ویڑھے اگوں لنگھ گئے نے ۔۔۔۔
ویکھاں تے سھی کنج دے نے
اے اڈدے جاندے بے پرواہ ۔۔۔
ہاہاہا ۔۔۔
ویکھیا ہسدے لنگھ گئے نے
اگے خورے کس مرجانی تے جا وسنا

عذرا مغل

ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپی رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دی