Azra Mughalدو گھر کے دروازے
کھلے رہنے دو گھر کے دروازے
یہاں کسی اچھی خبر کو آنا ہے
ڈاکیہ لے کے چل پڑا ہے
اک طرف صبا بھی موج میں ہے
ایک خط ہے
اور ایک خوشبو بھی
مہک پھیلی ہے کمرے میں
تیرے آنے کی خبر کی
میرا وجدان پیش گوئی Gharبن گیا ہے
ڈاکیہ ابھی رستے میں ہے
اور تو بھی خط سے پہلے پہنچنے کی جلدی میں۔۔۔۔
ڈاکیہ سائیکل پہ ہے
اور تو ہوا کے گھوڑے پہ سوار
دروازہ بھی کھلا ہے
اور کھلی کھڑکی سے
ہر ان دیکھا منظر ،
میں بھی
جھانکتی ہوں
لو در پہ دستک بھی ہوئی ہے
دھڑک دھن سے میرا کمرہ بھی بھر گیا ہے
اور جیسے ہر شے ناچ اٹھی ہے
ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپ رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دیں گے
Azra Mughal
