شاعری

آورد اور آمد ایک ساتھ
شاعری کا عالمی دن ہے تو چلو کوشش کرتے ہیں
آورد کو آمد میں بدلنے کی
یہ نہیں ہوگا بھئی ۔۔۔
شاعری کوئی ڈش تو نہیں
جب چاہا پکالی
اور منہ کا ذائقہ بدل لیا
لہو میں لہرا کر
ادھم مچا کر
تاپ چڑھا کر
یہ بیماری کی صورت ظاہر ہوتی ہے
کچھ چٹخاتی ہے بدن کو
کچھ خواب سا آنکھوں میں بن دیتی ہے
پہلی محبت کی دھن سی
ایک روشنی کی جگمگاتی کرن سی
چہرے پہ نمودار ہوتی ہے
نظم اپنا آپ کہتی ہے
اور مسکراتی ہوئی
ہاتھ ہلاتی
پھر ملنے کا وعدہ کرکے
دروازے کا رستہ بھول کے
دیوار سے ٹکرا جاتی ہے
اور کرب سے شعر کی آنکھ بھر جاتی ہے
شاعری اپنا آپ
جس پہ ہو مہرباں
آتے جاتے جب جی چاہےدان کر جاتی ہے
نہ مانے تو ہجر کی شب میں
تپش سوزاں سے چٹختے بدن کو
صبحدم
جیسے بے دم کر جاتی ہے

عذرا مغل

ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپی رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دیں گ