ایہہ مٹی میری بھاگاں بھری

ایہہ مٹی میری بھاگاں بھری
ایدے ذرے ذرے چ رحمت رب وسدی
ایتھے خوشی پھٹ پھٹ پیندی اے
ہوا وی اڈدی نچدی پھردی اے
پھل وی کھڑ کھڑ جاندے نے
اے کنکاں نال جد تکرو تیکر سجدی اے
تے فصلاں نال جد بھردی اے
تے لوکی ھون نہال کڑے
ایتھے میوے جنت مثال کڑے
ایتھے رنگاں دے تہوار کڑے
ایتھے بسنت ویساکھ لوڑھی وی
سو جشن بہار تے ملہار کڑے
ایتھے عید برات دے دن بڑے
ایتھے خوشیاں دے رنگ بڑے
ایتھے میلےمچدے روز کڑے
ایتھے رنگ سجدے روز کڑے
ایتھے سوانیاں سوہنیاں چن وریاں
گوریاں سلونیاں رنگ بھریاں
ایتھے گھبرو جیویں پہاڑ کڑے
ایتھے بچے جیویں پھل ورگے
تے بڈھے برگد مثال کڑے ۔۔۔
اے دھرتی پنج دریاواں دی
ایتھے رب دی مہر رہندی اے
ہر اک دے شامل حال کڑے
ایتھے سچے رب دیاں شاناں نے
ایتھے رب نے دھماں پایاں نے
ایدی جگ تے نہ مثال کڑے
ایدا ناں اے پنجاب کڑے
چڑھدا سورج وی نہ ایدی آب جرے
اے انی سجیلی تے چمکن ہار کڑے
اے رب دا مان تے ماواں دی دعا
شالا لگے نہ کوئی کوسی وا
ایدا جی جی ایہوئی منگ منگدا
ایتھے ہر کوئی دعا مثال کڑے

عذرا مغل

ہماری پلیٹفارم پر بڑی تعداد میں تصاویر گوگل امیجز اور پیکسلز سے حاصل کی گئی ہیں اور ان کا کاپی رائٹ مالکیت ظاہر نہیں کر سکتی۔ اگر کوئی کاپی رائٹ دعوے ہوں تو ہم فوراً معذرت کے ساتھ تصویر کو ہٹا دیں